مانيش

مانيش ناسى ابات ندمان   على العمر اللى عدى وفات

  مانيش ناسى اكون زعلان   على الماضى 

 وع اللحظات 

على ليله ورا ليله   فى عقد العمر كات خرزات 

سنين ادى  وكان ودى  يكون قلبك على ادى 

حنون  وبسيط   ماهش مغرور   مادام ياخد 

 لازم يدى 

يكون حبك  بطول عمرى  ماهش لحظات  و حتعدى 

تعالى  ياقلبى نصالحو فيه عل وعسى 

يروق ويفوق وينسى ف يوم الشك دا والوسوسه 

ما دام حبيبى  حيستجيب  لدور اونطه  ومحلسه 

وتانى يوم   حيعود اليك  يترجى فيك 

وبكره كله يتنسى 

مادام انت اخدت على  بعادى 

وفراقى ان طال بقى  شىء عادى 

ليه جاى وبتدور فينى وبتسال عنى وبتنادى 

ليه راجع تانى تحيرنى ايه جابك تانى الناحيه دى 

اديتك فرصه ورا الفرصه رسيتك على اقرب مرسى 

وعيونى عليك تسهر حارسه 

بتقضى الليل كله تنادى 

بنتخاصم   ونتالف  ما ينقص من هواك  ميللى 

ونتباعد  ونتوالف  وتفضل برضه  بتميل لى 

ونتفارق   ونتخالف  ماشفتك مره  بتمللى 

عشان الحب بنا متين   تضيع لحظه نلاقى متين

 

من يوم م عرفتك ماعرفتش

غيربعد.. وهجر.. وضنا.. وجروح

 من يوم م قابلتك ما قابلتش

غيرظلم.. و غدر.. و دمع.. ونوح

 ولا دقت الحب ف دنيا هواك ولا لحظه هنا

 قضتها معاك

 ماسمعتش كلمه انا بهواك ولاحاجه فى مره 

ترد الروح

حابّك و ف ننى العين شايلك وبدون ماتنادى

 بروح جايلك

 وبسيب الدنيا عشان احايلك ومنين ماتروح 

انا لازم اروح

 وبرغم دا كله مافيش فايده

واسوتك يوم ورا يوم زايده ولاعايز تطفى

 نارى القايده

وتسيب القلب يبات مجروح

 لمّا اطلب نظره حنيه من عينك

 بتعاند فيا ولا شفتش منها الا اسيه

واتوه فى جفاك مطرح ما بروح

 كان قبلا حنان قلبك دافى مهما بتدينى 

ماكان كافى

ولا كان م السهل كدا تجافى وتسيب القلب 

 يبات مجروح

لاف مره بدأت بعاد وفراق ولا سيبتك يوم  

 لعيونى تشتاق

وازعل لغيابك مده يوم والاقى القلب

 ف تانى يوم راق

تجافينى وانا لجفاك حساس طب ليه كدا بس 

 ياابن الناس

انا قادره اسقيك من نفس الكاس انما ماتهون

 ياحبيب الروح

محسود فى هواك من كل الناس

 كان بيغير منى  باقى الاجناس

مش داريين انى مابنعم بيك

وكتير لو جيت لك مش بلاقيك

وحنينى وشوقى ما عاد يغريك

وعشان اراضيك تهت ف اراضيك

 

 

مين داقو ف يوم لياليك ياهوى

بيقولوا عليك وبيحكوا كتير

بيقولوا بديل عن اى دوا  وبيحكوا حاجات

ولا فى الفوازير

مش عارفه ان كان دا كلامهم صح

بيداوى الهوى ولا بيجرح

واحترت وعشت سنين اسأل

اقفل باب قلبى  ولا افتح ؟؟

 

وصفوك بكلام ولا فى الاحلام

وف وصفك تعبت ياما اقلام

اما انا بقى طبعا مش عارفاك  ولا عشتش

يوم ولا ساعه معاك

علشان ماقابلتش فيك محبوب

ولا يوم جربت اهيم ولا ادوب

ولا مره رمانى عليك مكتوب ولا صدفه خدتنى

ولا المقادير

بيقولوا بديل عن اى دوا

وبيحكوا حاجات ولا فى الفوازير

مش عارفه ان كان دا كلامهم صح

بيداوى الهوى  ولا بيجرح

واحترت وعشت سنين اسأل

اقفل باب قلبى ولا افتح ؟؟

 

بيقولوا الحب قدر ونصيب

ماتفرش منه مدام بتعيش

وتقضّى ياعاشق عمرك فيه

هيمان فى زمان كدا بعده مافيش

ون عشنا بدونه حياتنا تفوت ليالينا

طوال وكلامنا سكوت

والخطوه تضيع وقلوبنا تتوه

والبسمه تغيب والضحكه تموت

ما اخبى عليكم ولا اداريش

لانا دقت سهر ولا ضاع النوم

علشان ما صادفته وما صادفنيش

ولا فات فى حياتى الهوى ده يوم

ولا مره رمانى عليك مكتوب ولا صدفه

خدتنى ولا المقادير

مش عارفه ان كان دا كلامهم صح

بيداوى الهوى ولا بيجرح

واحترت وعشت سنين اسأل

اقفل باب قلبى ولا افتح ؟