كنتى فين يا لأ يوم م قولت اه
لما قلبى دق والهوى نداه
كنت بس ليه لاهفنى
الشوق عليه
وليه يا لآه ليه
سيبتى قلبى رق
وكنتى فين يا لأ
كنتى فين ساعتها لما جت عيونه
شفتها وناجتها
واقول ما عيش بدونه
سيبتى رمشى ليه يقول ساعتها اه
ماقولتى امشى ليه وما تروحيش وراه
واخره المطاف توهنى ع الضفاف
والقلب عاش باه
وكنتى فين يا لأ لما قلت اه
كنتى فين يالأ لما ع الودان ابتدا يزن
عايزه اقوله لأ وانتى مأيداه وتقوليلى حن
وسبتى قلبى ليه راح ومال اليه
وقال ساعتها اه وطار بجناح وراه
واخره المطاف تهت ع الضفاف
ابكى و ف قلبى اه
وكنتى فين يالآ ساعه ما قلت اه
لما اتقابلت بيه كلامه كان وجيه
صحانى م الاحلام طيرنى كا الحمام
ولع ف طريقى شموع طفتها ف هجره دموع
رجعنى لزمن الشوق ولا جيت بعديه قدام
سبتينى بس ليه اعشق واميل اليه
و اقول ساعتها اه واجرى المشوار وراه
واخره المطاف توهنى ع الضفاف
ابكى وف قلبى اه
وكنتى فين يالأ ساعه ما قلت اه
القلب عشق يادوب
ويادوب لسه حدوب
وبقول الكون ح يضحك وحعيش ويا المحبوب
مالحقت افرح لى حبه الفرقه لقتها دابه
ورياح القسوه هابه وحلفت خلاص ح اتوب
سبتينى بس ليه اعشق واميل اليه
واخره المطاف توهنى ع الضفاف
والقلب عاش باه
سيبتينى بس ليه امشى المشوار معاه
وابكى وف قلبى اه
وكنتى فين يالأ
وسكتى ليه يالأ ؟؟؟؟؟؟؟؟؟؟؟
ما تطلبيش منى حاجه
مالتقتشى فيكى حاجه تخلى بيكى الروح تحس
شوقى كان مالوش وجود ونبض قلبك ماله حس
ممكن ابقالك صديق..يادوب صديق.. صديق
وبس
اكتشفت فى كل شىء كان بيجمعنا اختلاف
شفت نفسى ويا قلب لو فرح يرجع يخاف
التقيت قلبى قلق قلت احسن نفترق
بدل ما يجرحنا الخلاف ماقدرش اكمل ف الخداع
وييجى يوم وتقولى باع
احسن لنا لو نفترق
مادمنا قادرين ع الوداع
شوقى كان مالوش وجود ونبض قلبك ماله حس
ممكن ابقالك صديق.. ايوه صديق..
صديق وبس
ماتطلبيش منى
اكمل مش ح اقدر اصبر واتحمل
واكدب عليكى كل يوم واقول بسهّّر فى النجوم
مادام بقى قلبى قلق فيبقى لازم نفترق
ما دمنا لسه بنبتدى مادام ماجمعناش
هوى
نبعد بروحنا م الوجع بدل مانسأل عن دوا
لا نتصدم ولانتفجع
ولانتظلم بعدين سوى
شوقى كان مالوش وجود ونبض قلبك ماله حس
ممكن ابقالك صديق.. ايوه صديق..
صديق وبس
ليست هناك تعليقات:
إرسال تعليق