بحلفك

 

قال افتكرت خلاص ح ارتاح قال افتكرت

الهم انزاح

قال افتكرت الفجر اهو شقشق ونا ح اعيش

من بعده صباح

بحك جلدى بدأ  ينزف اتارى جلدى

مغطى جراح

وقلبى لهبل جالى و قاللى

ياسيدى اهدى الجرح اهو راح

اتارى جرحى زى الارنب

يوماتى يولد

الف جراح

 

بحلفك بألف يمين ماتحودشى شمال ويمين

شارينى قول سيد الحلوين

بايعنى قول هواك مع مين؟

حاببنى قول ح بدلك شوق بشوق وحنين

رافضنى قول ولا تسبنيش اعيش فى انين

وصارحنى بتعرف مين ؟؟

رحت لمين؟؟

  
 

 

يابخيله

يابخيله ياللى نايمه ع النجيله

يابخيله قلبى داب مش لاقى حيله

بالقليله ارحمى عيونى العليله

واحكى قولى وفضفضيلى

دا الزمان ما بقاش فاضيلى

الزمان وراه كتير وناس كتير مستنيينو

مشغول بيفرش فى الحرير واحنا اللى معطلينو

العيون دايبه فى شوقها بس انتى ما بتقوليش

والرموش نعسانه فوقها 
زى عصفور ناقصه ريش