كنتى زمان

كنتى زمان زى الليلادى فى اكتوبر فى تشرين

فى ليله اربعه وعشرين

على الساعه تناشر كدا تمام

والناس نيام حتى المدام

ترنيلى جرس تيليفون

ماكان لسه ظهر فودافون

يقول صوتك مساء الخير

يعود ليام عليك بالخير

وشوفك اسعد السعداء وكل الناس معاك حلوين

ما فيش كارهين ولا اعداء

ماشفتش حد بيقولها

غيرك انتى مافيش ولا حد فاكرنى غيرك انتى

ياكل الناس ياأقرب حد كان ليا

يااحلى الناس ياحضنانى بحنيه

لكن حبك بقى ذكرى

ومين حيقولها من تانى

لوالموعد بقى بكره ؟؟؟؟؟

 

ليه بيقولوا  فى كل غناوى الحب عن العشاق

دول بيقاسواعذاب البعد ونار السهد والاشواق

من تجربتى معاه ف الحب  شفت الحب امل وحياه

شفت الحب  غنا و منجاه  شفت الحب وصال ووفاق

والايام ما بتقبل عد  ولا بيكون فى سعادتك حد

غيره وحيره اميرواميره

عايشين يحكوا ف اجمل سيره

رضا ووفاق  لاتنين عشاق

هنا ووصال  بين احلى رفاق

ودا حسب انت عينك ماهى شايفه الدنيا ازاى

عايش لسه ف الم امبارح و لا بتحضن بكره الجاى

ليه بيقولوا  يزيدالبعد  للعاشقين فى لهيب النار

ليه بيسموا الشوق فى الحب ضنا وعذاب وشجن ومرار

قالوا وغنوا كتير ع الشوق غالوا ف وصفه نار وحروق

ولا فيه اى امل ف الجنه ولافى الضلمه استنوا النور

كل كلامهم كان ع الحيره  واللى شافوه من دنيا الغيره

وبيهتموا بشوك الورد

اما الورد ماجبلوش سيره