مش مجامله

مش مجامله ياحبيبى  الكلام دا مش مجامله

لما اقول عنك دا انتى ف كله كامله

   مش مجامله

مش بجامل  اوبغالى  او ببالغ  او بكتر

لما اوصف لون خدودك  زى لون تفاح مسكر

لما اقول دى رموش عيونك كل رمش 

ف عين مسطر

ولا بسمتهم شفايفك والعسل منهم مقطر

لما اقول عنك ملاكى  او حوريه  

 ف قلب جنه

لما اقول عن همس صوتك  له فى ودنى

 احلى رنه

والبلابل منه غارت  واتملت حوالين مكانا

والربيع الحلو زهر  والزهور غطت سكنّا

ياللى ماليه كل قلبى  ياللى شاغله كل بالى

لما اقول ان انتى عندى  ياحببتى حلم غالى

لما اقول عن شوقى ليكى احلى شوق  

 داعب خيالى

مش بجامل  اوبكتر  او بزود 

 او بغالى

 

ياغالى قوللى ايه مالك ايه  اللى خللا غرامك قل

اسيت كتير من اهمالك وطول غيابك  مالهوش حل

بتقوللى عندك الفين حل  طب قوللى حل عذابه اقل

اهم شىء يحافظ لى عليك  ويزيد فى حبك ولا يتقل

ويخللى قلبك زى  زمان  ينسى الملاوعه  ولا يتقل

قول قول قول ع الحل

ازاى راح انسى ان انا عاشق انسى انى عاشق ما اقدرشى

اعملك أيـه سهمك راشق  ابعد  وافـارق ما اصبرشى

طب بس ايه غيرحالك  ايه اللى خللا غرامك قل

ياريت تجاوب لى سوالى  وقوللى حل  عذابه  اقل

اهم شىء يحافظ لى عليك  ويزيد فى حبك ولا يتقــل

ويخللى قلبك زى  زمان لايعود يلاوع   ولا يتقل

بدأ هواك مش هوهواك  لاحظت شوقك مش شوقك

فيه حب تانى قابلته هناك  سحب  سمايا  من    فوقك

طب بس ايه غير  حالك  ايه اللى خللا  غرامك قل

ياريت تجاوب لى  سوالى وقوللى حل  عذابه  اقل

اهم شىء يحافظ لى عليك  ويزيد فى حبك ولا يتقــل

ويخللى قلبك زى  زمان لايعود يلاوع   ولا يتقل