قولى واحكى
ياللى بيسعد قلبى كلامك ويهنيه ويحقق سعده
عن امانيكى وعن احلامك واللى ف قلبك
قولى و احكى
خللى البسمه الراسمه ف خدك احلى امانى
لبكره وبعده
تبدى حنينى وتنهى انينى وتبدأ شمسك تحض ضحكى
قولى ياكل منايا وحبى كل كلامك يسعد قلبى
قولى و احكى و اوعى تدارى
واوعى تخبى
قولى يااول فرحه اشوفها احكى و خلىّ
القلب يعبر
قولى يااجمل زهره اقطفها كلمه اعيش بيها واتصبر
خلّى عنيه تفوت احزانها خلّى شفايفى
تبطل تشكى
خللى البسمه الراسمه ف خدك احلى امانى
لبكره وبعده
تبدى حنينى وتنهى انينى وتبدأ شمسك
تحض ضحكى
قولى ياكل منايا وحبى كل كلامك يسعد قلبى
قولى و احكى قولى و احكى واوعى
تخبى
محتاج لحد
اريح راسى فوق صدره يزيل الهم من جدره
يكون نجمايا فى سمايا
واكون فى الضلمه نور بدره
ومهما الكيل يفيض بيا ما اسيبش مكانى
ولا اغادره
لاعمره ف يوم يخون العهد ولا مره اشوف
غدره
محتاج لحد
يشيل همى واوجاعى واشيل همه واوجاعه
احط دراعه فى دراعى واحط دراعى فى
دراعه
احس الكون ونا جنبه بقى بتاعى وبقى بتاعه
الاقى معاه ونا ف حضنه ليالى المر
اتباعدو
محتاج لحد
يعيشنى بقيت عمرى ف دنيه حبه وحنانه
واهديله سنين عمرى وينسى معايا احزانه
والقى معاه انا امنى واعيش لسعادته
وامانه
واقول لعيونيه ياوفيه لايوم باعم ولا
خانو
ولا شمتى يوم فيه عذاب الشوق واشجانه
محتاج لحد
يريحنى انا وتعبى يكلمنى كلام شعبى
مايلعبشى فى يوم بيا واقول عنه دا واد
لعبى
ما يبعدشى بعيد عنى وادوروالف على
كعبى
محتاج لحد
يخلى الحب يملى الارض اديه دافيين فى
عز البرد
تنضف له اديه الشوك ولجل عيونه اسقى
الورد
ما يبقاشى عددنا اتنين وليه اتنين ؟ م
نبقى فرد
محتاج لحد
اشوفه يوماتى قدامى يخضر زرع ايامى
ونام واحلم يوماتى بيه ولا يفارقشى
احلامى
محتاج لحد
يعيد لشفايفى بسمتها يعيد لخدودى ضحكتها
يعيد لسنينى حلوتها يعيد لجناينى
نسمتها
محتاج لحد
يكون زرعى واكون فاسه يكون اهلى واكون
ناسه
اكون ضيه ساعه عتمه تدفى شفايفى
انفاسه
ولحظه فرحه او حزنه احس بنفس احساسه
محتاج لحد
ينسينى قلوب جاحده ودنيتنا تكون واحده
ويشعرنى بان احنا
كيان واحد وروح واحده
ليست هناك تعليقات:
إرسال تعليق