عشان خاطرى

عشان خاطرى ماتبعدشى عليا ف يوم  ولا تسيبنى

عشان خاطرى ما تبدأشى  بهجرانك  تعذبنى

من النادر الاقى حب  بنفس هوانا وصفاته

بتحلى معاه دموع الخد واجمل لحن فى اهاته

حبيبى هواك ما يتعوض  ولا ايامه  تتكرر

فى قربك دنيتى بتحلا وويا البعد  بتمرر

عشان خاطرى ماتبعدشى عليا ف يوم ولا تسيبنى

عشان خاطرى ما تبدأشى  بهجرانك  تعذبنى

من النادر يجود الدهر  فى يوم زيك بين  العاشقين

ولا تقدر جناين زهر تجيب عطرك ولا الرياحين

عشان خاطرى ماتبعدشى ولا تفوتنى  ولا تسيبنى

عشان خاطرى ما تبدأشى  بهجرانك  تعذبنى

حبيبى فين ليالى الحب وشوقنا لبعض

ودق القلب ساعه ما نشوف فى بعضينا

حبيبى ليه تسيب البعد يتوهنا يشتتنا

يودى بعيد خطاوينا

عشان خاطرى ماتبعدشى ولا تفوتنى ولا تسيبنى

عشان خاطرى ما تبدأشى  بهجرانك  تعذبنى

حبيبى كان ما بنا حب  كبير جدا   كبير بصحيح

فى غمضه عين جرحت القلب

وزدت جريح على المجاريح

واتحطم هوانا الصخر وبات غرقان فى اهدى بحر

فى غمضه عين قتلت الحب واتهدم بنسمه ريح

عشان خاطرى ماتبعدشى ولا تفوتنى  ولا تسيبنى

عشان خاطرى ما تبدأشى بهجرانك

تعذبنى

سرحان

باليل ونا قاعد سهران

كان نفسى فى حبه سرحان

ولقيت الشاى فى كبايه

فضيت الشاى فى فنجان

ومسكت ايد الفنجان

اتأمل ايد الفنان ازاى بتجيد الالوان

ومسكت فى ايدى الفنجان

اتفرج خط الدخان

راح يمشى على اى مكان لجل اعرف منه العنوان

مش يمكن احتاج يازمان لوماالقى فى الدنيا امان

ولايبقى فى الكون دفيان ان اهجر دنيا الانسان

واتحول حبه دخان

ولاحدش يعرف لى مكان ؟

ايه جرى للحلو ماله  مش بييجى او يفوت

اختفى م الكون هلاله عاد لاسلوب السكوت

زى ما يكون ضاع له ماله ولا

حاجزين ع البيوت

ولا كان زارعها منجه  التقاها طارحه توت

الحلو كان بيفوت يوماتى

مره ينده مره يطلع

كان ساعات يسأل ليلاتى  لو معدى ولما يرجع

اليومين دول ساق دلاله  حتى مش عايز يفوت

زى ما يكون ضاع له ماله ولا حاجزين ع البيوت

ولا كان زارعها منجه  التقاها طارحه توت

الحلو كان عمره ما ينسى  يبعت الورد الجميل

اتقلب الشوق بقسوه  سابنى اقضى الليل عليل

ايه جرى مش عارفه ماله عاد

لاسلوب السكوت

زى م يكون ضاع له ماله  ولا حاجزين ع البيوت

ولا كان زارعها منجه   التقاها

طارحه توت